34 c Kolhapur
महत्वाच्या घडामोडी

आता तरी गृहमंत्रिपदाचा हिसका दाखवा...

M

वेब टीम : केंद्रीय तपास यंत्रणांकडून महाविकास आघाडीच्या कारवाया होत असून यावरून आता राष्ट्रवादी काँग्रेसचे नेते एकनाथ खडसे यांनी भाजपवर हल्लाबोल केला आहे. आपल्या नेत्यांवर रोज धाडी पडत आहे. आपले दोन मंत्री तुरूंगात गेले आहेत. किमान आता तरी गृहमंत्रिपदाचा हिसका दाखवा आणि 2-4 भाजप नेत्यांना तुरुंगात पाठवा, असे आवाहन खडसे यांनी केले आहे. विशेष म्हणजे यावेळी व्यासपीठावर शरद पवारदेखील उपस्थित होते. यावेळी बोलताना एकनाथ खडसे यांनी राज्याचे विरोधीपक्षनेते देवेंद्र फडणवीस यांच्यावरही चांगलेच ताशेरे ओढले. जे एकेकाळी माझे पाय धरायचे. माझा आशीर्वाद घ्यायचे, ते आज माझ्याविरोधात आणि शरद पवारांविरोधात बोलत आहेत, राज्यात रोज 100 धाडी पडत आहेत. तपास यंत्रणांचा एवढा गैरवापर कधी पाहिला नव्हता. कुणी चुकीचे केले असेल तर त्याला शिक्षा मिळायला हवी, याबाबत आपले काही म्हणणे नाही. मात्र, तपास यंत्रणांचा वापर करून महाविकास आघाडीच्या नेत्यांना बदनाम केले जात आहे, असा आरोप यावेळी खडसे यांनी केला. केवळ आरोप करायचे आणि हे नेतेच मास्टरमाईंड असल्याचे सांगून त्या नेत्याला फसवायचे, कोटी-कोटींचा आकडा जाहीर करायचा, असे प्रकार सध्या राज्यात चालू असल्याचे खडसे म्हणाले. त्यामुळे आता गृहविभागाने आपला हिसका दाखवत किमान 2-4 भाजप नेत्यांना तुरूंगात पाठवावे, असे आवाहन खडसे यांनी केले.

Read Previous

लोकाभिमुख होण्याबरोबरच पालकांचीही काळजी घ्या

Read Next

सातारानंतर पुणे पोलीस सदावर्ते यांना अटक करण्याची शक्यता